Karp śląski Macieja Kuronia od juki

SKŁADNIKI:

* 1 karp (nojlepiyj taki kole 1,2 do 1,5 kg)
* 1 cebula
* 1 citryna
* listek bobkowy, pigment (ziele angielskie),
* sol, pieprz czorny i ziolowy, curry ,gałka muszkatalowa , imbir, kolyndra , vegeta, czosnek i co tam jeszcze momy i lubiymy (wszystko w proszku)
* olyj
* polowa kostki masła
* 2-3 jajka
* żymła (bułka) tarta
* monka pszynna

SPOSÓB PRZYGOTOWANIA:
Karpia zaszlachtować( zabić – jo tygo nie srobia ), wypucować (wyczyścić), sprawić , pokroć we dzwonki , opukać (wypłukać) coby szlamu nie boło .wciepnonć do naczynio , dodać cebula łobrano i pokrono w talarki (plastry), wyszorować citryna , pokroć w talarki , wciepnonć rań (do środka), posuć prziprawami ( nie przesadzać !!!).Dobrze wymiyszać i przikryć deklem (pokrywka) abo foljom spożywczom .Tak narychtowano ryba możno trzimać we lodówce albo spiżarce od 1 do 3 dni .Jo lubia od czasu do czasu jom zamiyszać , ale chyba nie cza tego robić .
Ryba wyciongomy i wyciepujemy (wyrzucamy)wszystkie badziewia (zostawiomy ino cytryna).Paniyrujemy (monka + posolone i popieprzone jajco+ tarto żymła ) i smażimy z łobu stron na gorkiym olyju (loć go dużo, nie żałować!).Nie za dugo , byle się złote zrobioły .
Usmażonygo karpia przeciepujymy(przerzucamy) na blacha , obciepujymy(obrzucamy) konckami (kawałkami) masła (nie żałować !!!) i talarkami cytryny co to nom ostały .Nasztalować (nastawić) ruła (piekarnik) na 175 stopni i bratować(piec) kole (około) pól godziny do 3 kwadransow .Potym zmiyjszomy temperatura na 50 stopni i czimomy ryba tak aż do Wiliji (u mie jest to kole godziny). Lubia co chwila tam zaglondnonć i dodawać jeszcze masło ,podkryncać temperatura, zmniyjszać ….ale to jusz jest ino taki mój szpas (zabawa) :))
Gorkie masło przed podaniym slewomy i podowomy w sosyjerce do polonia kartofli .
W wieczerzo jymy ja na gorko a w Świynta to już ino łażymy i podżeromy jom na zimno (abo jak kery sce to jom podpiyko w rule).

© 2021 portal.mamaroza.pl. All rights reserved.